Mae taflenni cynghorol yn ymdrin â phwnc yn fanwl. Mae ein taflen ‘Dechrau'n dda gyda gwenyn’ yn ymdrin â phopeth y mae angen i wenynwr newydd, neu ddarpar wenynwr, ei wybod i ddechrau ar ei hobi newydd. Mae taflenni penodol ar blâu a chlefydau yn rhoi gwybodaeth fanwl a chyfredol am fioleg cyfryngau achosol clefydau ac yn darparu dulliau o atal a thrin clefydau.
Mae canllawiau arfer gorau yn rhoi trosolwg byr o'r arferion gorau mewn fformat â phwyntiau bwled sy'n hawdd i'w ddeall. Mae'r canllawiau hyn yn ymdrin â llawer o bynciau o wybodaeth sylfaenol am sut i drin ac archwilio nythfeydd gwenyn mêl, sut i gael gwenyn mêl, i fwydo a gwella gwenyn.
Mae ffeithlenni yn rhoi esboniad manwl o sut i gyflawni tasgau penodol (megis dal brenhines neu ddefnyddio triniaeth ysgwyd haid) neu'n rhoi darnau allweddol o wybodaeth am bwnc y gallai fod angen i wenynwyr wybod amdano, er enghraifft, meddyginiaethau gwenyn neu gacwn.
Mae fideos hyfforddi yn rhoi arddangosiadau ymarferol ardderchog o amrywiaeth o weithgareddau gwenyna a gynhelir gan arolygwyr profiadol yr UWG ar ein sianel ar YouTube. Mae'r pynciau yn cynnwys: sut i ddeifio cychod gwenyn, sut i wneud surop siwgr i fwydo gwenyn, sut i gyflawni'r dechneg golchi ag alcohol ar gyfer monitro Varroa a llawer mwy.
Mae cyflwyniadau yn sgyrsiau gwyddonol cynhwysfawr am wahanol bynciau gan gynnwys y canlynol: bioleg a geneteg cacynen Asia, clefyd Ewropeaidd y gwenyn a chwilen fach y cwch gwenyn.
Llawlyfrau hyfforddiant gwenyna rhyngwladol: llawlyfrau maes amlieithog ar wenyna sydd ar gael er mwyn helpu hyfforddwyr yn Affrica Is-Sahara.
