Sut y gallaf ddechrau arni?
A ydych wastad wedi eisiau bod yn wenynwr ond nad oeddech yn gwybod sut i ddechrau arni? Wel, gobeithio y bydd gwefan BeeBase yn rhoi'r wybodaeth i chi a fydd yn eich helpu i benderfynu a yw gwenyna yn hobi priodol i chi. Mae rhai meysydd a fu'n ddefnyddiol i wenynwyr newydd yn cynnwys:
- Cyngor i Wenynwyr Newydd
- Taflenni cynghorol a llawlyfrau hyfforddiant
- Yr Uned Wenyn Genedlaethol
- Hyfforddiant ac Addysg i Wenynwyr
- Cysylltu â'r Uned Wenyn Genedlaethol
Pa hyfforddiant sydd ar gael?
Ydych chi'n wenynwr sy'n chwilio am hyfforddiant er mwyn eich helpu i wella eich sgiliau gwenyna? Efallai mai gwenynwr profiadol ydych chi, sydd am gael gwybod am ddigwyddiadau hyfforddiant gwenyna yn eich ardal leol; efallai eich bod yn gymharol newydd i faes gwenyn a'ch bod am gael gwybod ble i gael hyfforddiant, cyngor a chymorth ychwanegol; a ydych yn gweithio i lywodraeth neu ddiwydiant y tu allan i'r DU a'ch bod yn chwilio am wasanaethau cynghori a hyfforddiant arbenigol ym maes gwenyna? Mae rhai adrannau o BeeBase a allai fod yn ddefnyddiol i chi yn cynnwys:
- Hyfforddiant ac Addysg i Wenynwyr: Mynnwch wybod am y gwahanol fathau o hyfforddiant a digwyddiadau addysg i wenynwyr a ddarperir gan yr UWG.
- Taflenni cynghorol a llawlyfrau hyfforddiant: Yma cewch fwy na 30 o wahanol daflenni a ffeithlenni, sy'n ymdrin ag amrywiaeth o bynciau sy'n ymwneud ag iechyd a hwsmonaeth gwenyn mêl, y gallwch lawrlwytho pob un ohonynt am ddim.
- Rhaglen Archwilio Gwenynfeydd Statudol: Gall Arolygwyr Gwenyn maes cymwys iawn yr UWG helpu gwenynwyr drwy ddarparu amrywiaeth o hyfforddiant ar hwsmonaeth dda, sut i adnabod a rheoli plâu a chlefydau sy'n effeithio ar wenyn mêl a sut i reoli gwenynfeydd. Gall arolygwyr ddarparu arddangosiadau ymarferol ar wenynfeydd a chynnig cyfoeth o gyngor arbenigol am ddim. Mae'r UWG hefyd yn darparu gwasanaethau ymgynghori a hyfforddiant ar gadw gwenyn i lywodraethau a diwydiant dramor.
- Cysylltwch â’ch arolygydd gwenyn lleol: Manylion cyswllt eich arolygydd gwenyn lleol (Cymru, Lloegr a'r Alban); ffynhonnell arall o gyngor arbenigol am ddim.
- Oriel Luniau: Mae'n darparu lluniau defnyddiol o symptomau plâu a chlefydau sy'n effeithio ar wenyn mêl. Gallwch eu hatgynhyrchu am ddim at ddibenion hyfforddiant ac addysg.