Mae Arolygydd o Uned Wenyn Genedlaethol yr Asiantaeth Iechyd Anifeiliaid a Phlanhigion (APHA) wedi ymateb i achos o weld Cacynen Asia (Vespa velutina) unigol yn Westfield, Hastings, Dwyrain Sussex ar 19 Ionawr 2024, yn dilyn adroddiad gan aelod o'r cyhoedd ar ôl iddo ei chanfod yng nghilfach draed ei gar. Er i ni chwilio'r ardal, nid ydym wedi llwyddo i ddod o hyd i sampl. Mae Timau Cacwn Asia lleol wedi'u rhybuddio ac maent yn parhau i fonitro yn yr ardal. Mae'r Uned Wenyn Genedlaethol yn annog gwenynwyr a'r cyhoedd i fod ar eu gwyliadwriaeth y gwanwyn hwn ar ôl i 72 o nythod gael eu darganfod a'u dinistrio yn Lloegr yn ystod 2023.

Rhowch wybod os byddwch yn gweld Vespa velutina, gan ddefnyddio'r ap ‘Asian hornet Watch’ ar gyfer dyfeisiau Apple a dyfeisiau Android neu'r ffurflen ar-lein.

Cyfeiriwch bob ymholiad gan y cyfryngau at Swyddfa'r Wasg, Defra.