Mae sawl clefyd sy'n effeithio ar wenyn llawndwf, er enghraifft, Nosemosis, (mae dwy rywogaeth y gwyddom ar hyn o bryd eu bod yn effeithio ar wenyn mêl, sef Nosema apis a Nosema ceranae), Ameba (Malpighamoeba mellificae) ac Acarapisosis, a achosir gan widdon traceol (a elwir hefyd yn organeb achosol Acarin, Acarapis woodi). 

Gall gwenyn mêl hefyd gael eu heintio â nifer o wahanol feirysau sy'n amrywio o ran difrifoldeb y symptomau a digwyddedd. Gall pob feirws achosi niwed ond gellir rheoli llawer o'r feirysau sy'n gysylltiedig â Varroa os rheolir poblogaethau gwiddon mewn nythfa hefyd. 

Yn yr adran hon, byddwch yn gallu dysgu mwy am symptomau pob clefyd, sut y caiff ei ddiagnosio a sut y gellir ei drin (os oes triniaeth ar gael ar ei gyfer).