Yn dilyn y canfyddiadau a gadarnhawyd o widdon Tropilaelaps yn Rwsia a Georgia, mae pryderon wedi cael eu mynegi bod yr ectoparasitiaid mag gwenyn mêl hyn yn lledaenu. O ganlyniad, mae Defra wedi paratoi Dadansoddiad o Risg Pla (PRA) Cyflym i ailasesu'r risg y mae'r widdon Tropilaelaps yn ei pheri i wenynyddiaeth y DU. Nid yw gwiddon Tropilaelaps yn frodorol i Ewrop ond mae ganddynt y potensial i achosi colledion sylweddol i wenynyddiaeth ac amharu ar wasanaethau peillio, gan beryglu diogeledd bwyd pan fyddant yn cyrraedd rhanbarthau newydd. Aseswyd y risg o Tropilaelaps yn flaenorol gan Awdurdod Diogelwch Bwyd Ewrop (EFSA) yn 2013; Ceir dolen i asesiad risg EFSA yma.
Mae gwiddon Tropilaelaps yn bla hysbysadwy statudol yn y DU, a phe baent yn cael eu darganfod, byddai camau brys yn cael eu cymryd i'w hatal rhag lledaenu. Mae'r PRA yn asesu'r tebygolrwydd y byddant yn cyrraedd y DU, llwybrau mynediad, ymsefydlu ac effeithiau posibl ar wenynyddiaeth y DU i Tropilaelaps. Mae'r PRA yn argymell, yn ogystal â'r gofynion presennol, y dylai mesurau rheoli mewnforion barhau yn llym, gyda breninesau ond yn dod o wledydd lle nad oes Tropilaelaps, ac y dylai mesurau diogelu gael eu cyflwyno i atal mewnforion o wledydd lle mae pryderon y gall y pla fod yn bresennol.
Darllenwch y Dadansoddiad o Risg Pla Cyflym yn ei gyfanrwydd yma.