Ymhellach i ddatganiad DEFRA ym mis Rhagfyr ynghylch gwaith trapio Cacwn Melyngoes yn y gwanwyn, mae’r gwaith dadansoddi a wnaed gan Fera Science Limited er mwyn helpu i lywio mentrau trapio lleol yn Lloegr bellach wedi’i gwblhau .
Mae’r gwaith wedi nodi ardaloedd lle y gall fod mwy o risg bod Cacwn Melyngoes yn gaeafu, yn Lloegr. Fe’i gwnaed gan ddefnyddio data o nythod a ddinistriwyd yn 2023 a 2024 er mwyn rhagweld pa nythod yn 2025 a oedd yn fwy tebygol o fod wedi rhyddhau cacwn gormes atgynhyrchiol cyn iddynt gael eu dinistrio yn 2025.
Yn Lloegr yn 2025, dinistriwyd cyfanswm o 32 o nythod ar 30 Medi neu ar ôl hynny. Mae Fera wedi cyfrifo bod gan y nythod hyn debygolrwydd o gynhyrchu cacwn gormes o rhwng 18-50% erbyn yr adeg honno. Felly, ystyrir bod yr ardaloedd hyn yn wynebu risg uwch.
Dangosir map sy’n nodi’r nythod cacwn melyngoes a ganfuwyd ac a ddinistriwyd yn 2025 isod. Mae’r nythod hyn wedi’u lliwio yn ôl eu lefel risg a gyfrifwyd. Ceir 32 o nythod risg uchel (coch), 35 o nythod risg ganolig (melyn) a 95 o nythod risg isel (gwyrdd).
Caiff manylion pellach am y nythod yr ystyrir eu bod yn rhai risg uchel â thimau Cymdeithas Gwenynwyr Prydain sy’n cydgysylltu’r gwaith trapio yn y gwanwyn.
Rhowch wybod am achosion o weld cacwn melyngoes, a elwir hefyd yn gacwn Asia, ar y ffurflen ar-lein hon neu lawrlwythwch yr ap ‘Asian Hornet Watch’ am ddim ar gyfer dyfeisiau Apple neu ddyfeisiau android.
