Mae taflen gynghori Tropilaelaps wedi'i diweddaru. Mae'r daflen hon yn esbonio bioleg, dosbarthiad a risgiau gwiddon Tropilaelaps, parasitiaid mag ymledol gwenyn mêl, sydd bellach yn lledaenu tuag Ewrop. Mae'r daflen yn amlinellu eu cylchred oes, effeithiau niweidiol ar nythfeydd, llwybrau posibl i'w cyflwyno i'r DU, a chyfrifoldebau cyfreithiol gwenynwyr i atal plâu a rhoi gwybod amdanynt. Mae'r daflen hon hefyd yn rhoi arweiniad ar ddulliau monitro, cynllunio wrth gefn ac adnoddau ar gyfer cymorth a chydymffurfiaeth â deddfwriaeth mewnforio'r DU.
Nodyn cynghorol ar fonitro Tropilaelaps: Mae'r defnydd o stribedi cwyro i dynnu capiau celloedd mag er mwyn archwilio Tropilaelaps wedi'i hyrwyddo ar raddfa eang. Fodd bynnag, nid yw'r llyfryn wedi'i ddiweddaru yn cynnwys y dull hwn. Ni all yr UWG gymeradwyo'r arfer hwn am fod yr Asiantaeth Safonau Bwyd yn y broses o'i adolygu am ei effaith bosibl ar ddiogelwch bwyd. A wnewch chi ymatal rhag defnyddio'r dechneg hon hyd nes y rhoddir canllawiau pellach.