Diweddarodd dros 10,000 o wenynwyr eu manylion ar BeeBase yn ystod cyfrif cychod gwenyn 2025 o gymharu â mwy nag 9,500 yn 2024.
Cynhyrchodd cyfrif cychod gwenyn 2025 ffigur o 257,976 o nythfeydd yn y DU. Mae hyn ychydig yn uwch na ffigur 2024, sef 252,647. Roedd yr ymatebion yn dangos gostyngiad o 0.2 cwch gwenyn fesul gwenynwr ar gyfartaledd, ond gwelwyd cynnydd yng nghyfanswm y gwenynwyr.
Mae'r Cyfrif Cychod Gwenyn yn ddefnyddiol am ei fod yn rhoi syniad o nifer y nythfeydd a reolir yn y DU ac yn helpu i sicrhau bod cofnodion BeeBase yn cael eu diweddaru'n rheolaidd. Mae gwybodaeth am nifer y nythfeydd a'u lleoliad yn bwysig i'r Uned Wenyn Genedlaethol ac arolygwyr Llywodraeth yr Alban o ran paratoi a chynllunio ar gyfer achosion o glefyd a phlâu egsotig.
Diolch yn fawr iawn i bawb sydd wedi rhoi o'u hamser i sicrhau bod eu cofnodion BeeBase yn gyfredol.